كلنا بنعانى من اشعة الشمس والاسمرار والتهاب البشرة والتقشير
ولما بنحط ميك اب علشان يدارى مش بيطول وبيبتدى يتشال بعد عدد ساعات معينة
دى ماسكات طبيعية وسريعة ومش بتكلفك لا وقت ولا فلوس والنتيجة مجربة وعلى فكرة بتبان النتيجة بعد اول مرة مباشرة
يلا نتخلص من الجلد المحروق والاسمر والمتقشر ونتمتع بوجة صافى مبيض نظيف خالى من الجلد الزائد والمتقشر والملتهب
– ماسك سنفرة روعة جدا
هنجيب وعاء ونحط فية معلقة كبيرة من الترمس المطحون ولو عندك ترمس سليم فى البيت سهل جدا انك تطحنية فى البيت عادى جدا وتحطى علية معلقة كبيرة من الرز المطحون ونص معلقة من بيكربونات الصوديوم وللخلط ماء سخن بس مش قوى نخلط المكونات بس تحطى الماء حبة حبة علشان يكون متماسك
ملاحظات مهمة جدا اولا الماسك يستخدم وهو سخن
ثانيا يدلك على الوجة لمدة دقيقتين ويترك حتى ينشف كاملا تقريبا ربع ساعة
ثالثا بعد الماسك مباشرا يمسح الوجة بماء ورد ضرورى علشان يغلق المسام
ماسك الكركم
مش تستغربى ان الكركم بيستخدم فى الماسكات احنا هنستخدمة حوالى عشر دقايق هناخد منو الفائدة بس ودا ماسك هندى مشهور جدا وبينظف البشرة سبحان الله جدا
اولا عند العطار زيت اسمو الجوجوبا مش مكلف هاتى علبة صغيرة واحتفظى بالباقى لكل مرة تستخدمى فيها الماسك ولو ايضا استخدمات اخرى
هنجيب معلقة صغيرة من الكركم صغيرة علشان ميعلمش على الوجة ونحط عليها معلقة كبيرة من الدقيق ونحط معلقة كبيرة من زيت الجوجوبا ومعلقة صغيرة من العسل ونكمل خلط المكونات حتى التماسك بلبن مش هقدر احدد كمية اللبن لان عايزين الخليط ماسك شوية
– ماسك الحليب
لا غنى عن الحليب فى ماسكات التفتيح دا ماسك سهل وسريع ومفعولة بيبان من اول مرة
ناتى ببولة نضع فيها معلقة كبيرة من اللحليب المجفف ومعلقة كبيرة من عسل النحل ومعلقة كبيرة من عصير الليمون
نخلط المكونات جيدا وتوضع على الوجة برفق وتغسل جيدا بالماء الفاتر
ومع هذا الماسك يجب وضع كريم ترطيب على الوجة اى نوع