طريقة عمل حلوى الطبقات السريعه
من المعروف عشق الأطفال وإقبالهم على الحلوى مما يؤثر على إقبالهم لباقى الوجبات لذلك جئنا لكى بهذة الوصفة حيث تعتبر من الحلوى ولكن تحتوى على العديد من العناصر الغذائية المفيدة لطفلك وهى حلوى الطبقات السريعة لنتابع سويا تفاصيلها:
الطريقة:
هى عباره عن بسكوت ساده اى نوع تفضلوه بنسقيه خفيف عصير مانجو او اى نوع تفضلو
ونرص طبقه منه فى قاع صينيه التشيز كيك
وبنعمل مهلبيه عاديه ونضيفلها كاكاو ولما تتخن معانا نضيفها على طبقه البسكوت ونسبها تبرد وتتماسك دقايق
ونحط طبقه تانيه من البسكوت المسقى بعصير المانجو
ونعمل 2 علبه كريم كراميل زى ما مكتوب على العلب بالظبط
ونضيفها بشويش على طبقه مهلبيه الشيكولاته والبسكوت
ونرص طبقه من البسكوت فى الاخر ونسقي البسكوت من فوق فقط خفيف بعصير المانجو
وتترك فى التلاجه لحين تسقع وتتماسك كويس ويفضل تقديمها تانى يوم
