كيك الشوكولا بالغاناش والمكسرات
المقادير
1كيك عاشوكولا
كريمة للخفق عاشوكولا
بندق مقطع خشن
غاناش
مكونات الكيك:
٧بيضات
٣كوب طحين
٣كوب سكر
٣/٤كوب كاكاو
نصف كوب زيت نباتي
فانيليا وباكنغ باودر
طريقة الغاناش:
٢كوب كريمة سائلة
٣ كوب شوكولا مقطع
منسخن الكريمة على النار ومنضيفا فوق قطع الشوكولا ومنحرك ليصيرو صوص
ومنتركن ليبردو تماما ويصيرو بقوام نقدر نغلف في الكيك.
طريقة حشو وتزيين الكيك:
منقسم الكيك الى ثلاث طبقات ومنسقي بالسيروب او عصير اناناس ومنحط فوقو كريمة عاشوكولا
مخفوقة ومنرش شوية بندق ومنرجع منكرر عالخطوة بكل طبقة من الكيك.
مندهن طبقة اولى من الغاناش عل سطح الكيك والاطراف ومنحطو بالبراد ليمسك شواي ومنرجع
منطلعو ومندهن طبقة سميكة تانية من الغاناش ومنكمل التزيين حسب الرغبة
بالنسبة لتزيين الورد عملتن بالكريمة الغاناش بقمع تزيين الكريمة اما بالنسبة للشوكولا اللي نازل
عالاطراف فهو شوكولا مدوب حطيتن على طرف الكيك وهوي بارد كتير مشان يجمد الشوكولا بسرعة
